ដោយ សាន សែល RFA 2015-10-17
អំឡុងពេលនៅក្នុងប្រទេសអូស្ត្រាលី ដើម្បីជួបជាមួយប្រជាពលរដ្ឋខ្មែរដែលកំពុងរស់នៅទីនោះ កូនប្រុសច្បងរបស់លោកនាយករដ្ឋមន្ត្រី ហ៊ុន សែន គឺលោក ហ៊ុន ម៉ាណែត បានផ្ដល់សម្ភាសន៍មួយដល់ទូរទស្សន៍ អេ.ប៊ី.ស៊ី អូស្ត្រាលី (ABC Australia) កាលពីថ្ងៃទី១៦ ខែតុលា។ អ្នកកាសែតនៃទូរទស្សន៍ អេ.ប៊ី.ស៊ី បានព្យាយាមសួរលោក ហ៊ុន ម៉ាណែត ពីការឡើងស្នងតំណែងពីឪពុករបស់លោក ក៏ប៉ុន្តែលោក ហ៊ុន ម៉ាណែត ឆ្លើយតបថា លោកមិនដឹងទេ ហើយលោកថា លោកមិនអាចឆ្លើយបានទេ។
នៅក្នុងបទសម្ភាសន៍នោះ អ្នកកាសែតនៃទូរទស្សន៍ អេ.ប៊ី.ស៊ី អូស្ត្រាលី បានព្យាយាមជជីកសួរលោក ហ៊ុន ម៉ាណែត ពីបំណងរបស់លោកដើម្បីឡើងស្នងតំណែងពីឪពុក។ ក៏ប៉ុន្តែលោក ហ៊ុន ម៉ាណែត បានឆ្លើយតបថា ប្រជាពលរដ្ឋជាអ្នកកំណត់ និងជ្រើសរើសអ្នកដឹកនាំតាមរយៈការបោះឆ្នោតដែលធ្វើឡើងដោយ ៥ឆ្នាំម្ដង ដោយលោកថា កម្ពុជាជាប្រទេសប្រកាន់នយោបាយលទ្ធិប្រជាធិបតេយ្យសេរីពហុបក្ស។
ថ្លែងប្រាប់ទូរទស្សន៍ អេ.ប៊ី.ស៊ី អូស្ត្រាលី ដដែលនោះ លោក ហ៊ុន ម៉ាណែត អតីតនិស្សិតជាន់ខ្ពស់នៃសាលាបណ្ឌិតសភាយោធាសហរដ្ឋអាមេរិក (West Point Academy) បញ្ជាក់ថា ឪពុករបស់លោកមិនចង់ឲ្យកូនចូលប្រឡូក និងពាក់ព័ន្ធក្នុងកិច្ចការនយោបាយនោះទេ។
ទាក់ទិននឹងករណីនេះ លោកបណ្ឌិត មាស នី មើលឃើញថា លោក ហ៊ុន ម៉ាណែត មិនហ៊ានបង្ហាញជាសាធារណៈពីមហិច្ឆតាក្នុងការឈោងចាប់តំណែងឪពុករបស់លោកនោះទេ។ លោក មាស នី បន្ថែមថា ទោះបីជាលោក ហ៊ុន សែន ក៏មានការខ្លាចរអាក្នុងការប្រកាសពីជួយជ្រោមជ្រែងកូនខ្លួនដើម្បីឡើងក្ដោបក្ដាប់អំណាចដែរ៖ «»។
យ៉ាងណាក៏ដោយ កូនប្រុសពីររូបរបស់លោកនាយករដ្ឋមន្ត្រី ហ៊ុន សែន កំពុងចូលរួមក្នុងសកម្មភាពនយោបាយ។ ជាក់ស្ដែងលោក ហ៊ុន ម៉ាណែត កំពុងមានតួនាទីជានាយរងសេនាធិការចម្រុះមេបញ្ជាការរងកងទ័ពជើងគោក និងជាមេបញ្ជាការនៃបញ្ជាការដ្ឋានជាតិកម្លាំងពិសេសប្រឆាំងភេរវកម្ម។ ចំណែកប្អូនប្រុសរបស់លោក គឺលោក ហ៊ុន ម៉ានី វិញ កំពុងចូលរួមធ្វើនយោបាយដោយបច្ចុប្បន្នលោក ហ៊ុន ម៉ានី មានតួនាទីជាតំណាងរាស្ត្រមណ្ឌលកំពង់ស្ពឺ។
លោកបណ្ឌិត មាស ម៉ានី ក៏សង្កេតឃើញថា អ្នកដឹកនាំវ័យចំណាស់ៗ កំពុងរៀបចំបង្កើតនូវ “រដ្ឋាភិបាលក្លូន” ដោយប្រគល់តំណែងសំខាន់ៗនៅក្នុងរដ្ឋាភិបាលឲ្យកូនចៅរបស់ខ្លួនបណ្ឌិតរូបនេះបន្ថែមថា បើទោះជាមានការប្ដូរអ្នកដឹកនាំតំណែងកំពូលក៏ដោយ ក៏មិនទាន់ឃើញមានការផ្លាស់ប្ដូរអ្វីជាដុំកំភួននៅឡើយទេ។ ទោះយ៉ាងណា លោកសង្កេតឃើញថា អ្នកដឹកនាំជំនាន់ក្រោយនេះ ព្យាយាមខំធ្វើខ្លួនឲ្យសាមញ្ញ ហើយព្យាយាមជិតស្និទ្ធជាមួយប្រជាជននៅតាមមូលដ្ឋាន។ (more…)
Revered Ven. Dhammaviriyo Kim Sang B.E.2466-2531 A.D.1922 – 1987
Photo of Ven. Kim Sang provided by the Triratanaram Temple, U.S.A. Possession of pictures such as heroes, heroic Buddhist monks or other important figures in Kampuchea Krom is a serious crime.
Died for the Khmer nation and Buddhism B.E.2529 A.D.1985
Photo of Ven. Kim Toc Chon provided by professor Thach Visal. He was imprisoned by the VN government. Possession of pictures such as heroes, heroic Buddhist monks or other important figures in Kampuchea Krom is a serious crime. This picture of Ven. Kim Toc Chon is priceless.
His name is pronounced Kim Tok Joeurng.
In Memories of the Khmer heroes, heroines, Buddhist monks, nuns, priests, millions of educated professionals, soldiers, teachers, professors, doctors, mid-wives, scholars, students, craftsmen, farmers, and ordinary citizens of Kingdom of Cambodia and Kampuchea Krom for their sacred defense of our motherland, Khmer race, Buddhism, freedom, human rights, justice, environments, national language, culture, custom, and tradition since the pre-era of Governor Son Kuy to the presence.
We shall never forget you. You are in our hearts, always. Your noble Khmer Krom cause and unmatched courage inspire past, present and future Khmer generations to [continue] carry your nationalist mission.
There are millions of unknown heroes and Buddhist monks, who sacrificed their lives for Kampuchea Krom.
It is not our intention to exclude them. No available profiles and pictures. We invite you to visit us frequently as you could as pictorial profiles of heroes, heroines and Buddhist monks become available, they would be posted for your views.
Arrested, imprisoned and executed by lethal injection by VN government in B.E.2529 A.D.1985 for his activism in the fields of human rights and religion. His name is pronounced Kim Tok Joeurng.
ដោយ ហង្ស សាវយុត RFA 2015-10-15
មន្ត្រីមើលថែព្រះរាជដំណាក់នៅខេត្តសៀមរាប បើកចំហទ្វាររបងព្រះរាជដំណាក់រយៈពេល ៧ថ្ងៃ ចាប់ពីថ្ងៃព្រហស្បតិ៍ ទី១៥ ខែតុលា តទៅ ក្នុងបំណងឲ្យពលរដ្ឋកម្ពុជា គ្រប់រូប រួមទាំងអ្នកទេសចរបរទេសផង អាចចូលទៅក្នុងបរិវេណនៃព្រះរាជដំណាក់ ដើម្បីអុជទៀន ធូប គោរពដល់ព្រះវិញ្ញាណក្ខន្ធអតីតព្រះមហាក្សត្រ សម្ដេចព្រះនរោត្តម សីហនុ។
ការបើកចំហទ្វាររបងព្រះរាជដំណាក់ក្នុងខេត្តសៀមរាប ឲ្យមហាជនអាចចូលទៅគោរពព្រះវិញ្ញាណក្ខន្ធនេះ ធ្វើឡើងនៅក្នុងគម្រប់ខួប ៣ឆ្នាំ បន្ទាប់ពីអតីតព្រះមហាក្សត្រ នរោត្តម សីហនុ ព្រះអង្គសោយទិវង្គតមក។
មន្ត្រីរាជការមកពីគ្រប់មន្ទីរ និងកងកម្លាំងប្រដាប់អាវុធ មានប៉ូលិស ប៉េអិម និងទាហានប្រមាណ ៣០០នាក់ បាននាំគ្នាចូលទៅក្នុងបរិវេណនៃព្រះរាជដំណាក់នាខេត្តសៀមរាប ហើយអុជទៀន ធូប ព្រមទាំងឈរស្មិងស្មាធិ៍គោរពព្រះវិញ្ញាណក្ខន្ធអតីតព្រះមហាក្សត្រ សម្ដេចព្រះនរោត្តម សីហនុ ដើម្បីរំឭកដល់ការសោយទិវង្គតរបស់ព្រះអង្គគម្រប់ខួប ៣ឆ្នាំ។
ពិធីបានចាប់ផ្ដើមឡើងតាំងតែពីម៉ោងជាង ៧កន្លះព្រឹក ថ្ងៃព្រហស្បតិ៍ ទី១៥ ខែតុលា ដោយមានដាក់កម្រងផ្កាជាច្រើនដើម្បីបូជា ប៉ុន្តែមិនមានសភាពអធិកអធមដោយចាក់ឧបករណ៍បំពងសំឡេងឲ្យឮខ្លាំង ឬក៏ប្រគំបទភ្លេងអ្វីទេ។
អភិបាលរងខេត្តសៀមរាប ក្នុងចំណោមអ្នកចូលរួមគោរពព្រះវិញ្ញាណក្ខន្ធជាច្រើនទៀត គឺលោក គឹម ឆៃហៀង។ លោកមានប្រសាសន៍ថា នៅស្របពេលគ្នាដែលមន្ត្រីជាង ៣០០នាក់កំពុងគោរពព្រះវិញ្ញាណក្ខន្ធអតីតព្រះមហាក្សត្រ នរោត្តម សីហនុ នៅក្នុងបរិវេណព្រះរាជដំណាក់នេះ គឺនៅតាមបណ្ដាក្រុង-ស្រុកទាំង១២ របស់ខេត្តសៀមរាប ក៏កំពុងនាំគ្នាប្រារព្ធពិធីគោរពព្រះវិញ្ញាណក្ខន្ធអតីតព្រះមហាក្សត្រដូចគ្នាដែរ។
លោក គឹម ឆៃហៀង មានប្រសាសន៍ទៀតថា អតីតព្រះមហាក្សត្រ នរោត្តម សីហនុ ធ្លាប់បានបំពេញព្រះរាជបេសកកម្មយ៉ាងធំធេងជូនជាតិមាតុភូមិកម្ពុជា ដូចជាការទាមទារឯករាជ្យពីប្រទេសបារាំង នៅឆ្នាំ១៩៥៣ ការទាមទារយកខេត្តខ្មែរចំនួន៣ មានខេត្តបាត់ដំបង សៀមរាប និងខេត្តកំពង់ធំ ពីប្រទេសថៃ មកវិញ ព្រមទាំងការតតាំងក្ដីនៅតុលាការអន្តរជាតិទីក្រុងឡាអេ នៅឆ្នាំ១៩៦២ ហើយទាមទារប្រាសាទព្រះវិហារ ពីប្រទេសថៃ បានមកវិញទៀតផង។ (more…)
ដោយ ប្រាជ្ញ ចេវ RFA 2015-10-16
មន្ត្រីរដ្ឋាភិបាលអះអាងថា រយៈពេល ៣ឆ្នាំដែលគ្មានសម្ដេចព្រះ នរោត្តម សីហនុ ស្ថានការណ៍នយោបាយមានស្ថានភាពល្អធម្មតា។ ប៉ុន្តែមន្ត្រីបក្សប្រឆាំងថា ស្ថានការណ៍នយោបាយម្ដងតឹងម្ដងធូរ ម្ដងក្ដៅម្ដងត្រជាក់ ព្រោះគ្មានអ្នកសម្របសម្រួល ហើយការចាប់ខ្លួនសកម្មជនបក្សប្រឆាំងបន្តកើតមានដដែល។
ការលើកឡើងរបស់អ្នកនយោបាយបែបនេះនៅក្នុងពិធីគោរពវិញ្ញាណក្ខន្ធ ព្រះបរមរតនកោដ្ឋ ព្រះបាទសម្ដេចព្រះ នរោត្តម សីហនុ គម្របខួប ៣ឆ្នាំ នៅថ្ងៃទី១៥ ខែតុលា។ យ៉ាងណាមិញ ការប្រារព្ធពិធីនៅឆ្នាំនេះ ហាក់ស្ងប់ស្ងាត់ជាងរាល់ៗឆ្នាំ ខណៈដែលក្នុងព្រះរាជវាំង មានធ្វើពិធីសាសនា និងនៅមុខព្រះបរមរូប ក្បែរវិមានឯករាជ្យ មានមន្ត្រីគ្រប់ស្ថាប័នចូលដាក់កម្រងផ្កាដើម្បីគោរពវិញ្ញាណក្ខន្ធ ព្រះបរមរតនកោដ្ឋ ប៉ុន្តែនៅមុខព្រះបរមរាជវាំង គ្មានពិធីរាប់បាត្រដូចឆ្នាំមុនៗនោះទេ។
រដ្ឋមន្ត្រីក្រសួងវិចិត្រសិល្បៈ អ្នកស្រី ភឿង សកុណា ដឹកនាំមន្ត្រីក្នុងក្រសួងដាក់កម្រងផ្កានៅមុខព្រះបរមរូប។ ស្ថិតក្នុងសំលៀកបំពាក់សំពត់ហូលបត់ អាវកត្រង់ នៅលើស្មាមានបំពាក់ដោយឋានន្តរសក្ដិផ្កាភ្ញីវល្លិពណ៌មាស អ្នកស្រីនិយាយថា គំរូវីរភាពរបស់សម្ដេច សីហនុ សំខាន់ៗដូចជា ការទាមទារឯករាជ្យ ការរក្សាសុខសន្តិភាព បង្រួបបង្រួមប្រទេស នៅតែស្ថិតក្នុងដួងចិត្តលោកស្រី។ ក្នុងរយៈពេល ៣ឆ្នាំដែលគ្មានសម្ដេច សីហនុ អ្នកស្រីលើកឡើងថា សុខសន្តិភាពនៅតែមានដដែល ហើយការសាមគ្គីភាពរបស់អ្នកនយោបាយខ្មែរនៅតែមានដដែល៖ «គឺថា សុខសន្តិភាពនៅតែមានក្នុងប្រទេសកម្ពុជា ពីព្រោះនេះជាស្នាដៃព្រះអង្គ (ព្រះបរមរតនកោដ្ឋ) បានធ្វើទុក ហើយកូនចៅ ពោលគឺរាជរដ្ឋាភិបាលបានថែរក្សានូវអ្វីដែលជាស្នាដៃព្រះអង្គទុកមកដល់ពេលនេះដដែល»។
ពិធីគោរពព្រះវិញ្ញាណក្ខន្ធព្រះបរមរតនកោដ្ឋ ចាប់ផ្ដើមនៅម៉ោង ៧ព្រឹក ថ្ងៃទី១៥ ខែតុលា ដោយពុំមានឃើញវត្តមានប្រមុខព្រឹទ្ធសភា រដ្ឋសភា មកដាក់កម្រងផ្កានៅមុខព្រះបរមរូបនោះទេ។ ទោះយ៉ាងណា ក្នុងពេលដាក់កម្រងផ្កា តាមក្រសួងស្ថាប័នរបស់រដ្ឋចំនួន ៤២ស្ថាប័ន ក្រសួងខ្លះដឹកនាំដោយរដ្ឋមន្ត្រី ប្រមុខស្ថាប័ន ឬតំណាងក្រសួងស្ថាប័ន។
ចំណែកតំណាងរដ្ឋាភិបាលមានវត្តមាន លោក ស ខេង នាយករដ្ឋមន្ត្រីស្ដីទីទៅដាក់កម្រងផ្កា ខណៈលោក ហ៊ុន សែន កំពុងបំពេញភារកិច្ចនៅប្រទេសចិន។ តំណាងស្ថាប័ននីមួយៗ មានប្រមុខម្នាក់ដើរមុខគេ និងមន្ត្រីក្រោមឱវាទប្រមាណ ២០នាក់ ធ្វើដំណើរតាមក្រោមយឺតៗ យកកម្រងផ្កាទៅដាក់ថ្វាយព្រះបរមរូប អមដោយសំឡេងត្រែ។
(more…)
ដោយ ជុន ច័ន្ទបុត្រ RFA 2015-10-15
លោកនាយករដ្ឋមន្ត្រី ហ៊ុន សែន បានដឹកនាំគណៈប្រតិភូជាន់ខ្ពស់កម្ពុជា ទៅចូលរួមកិច្ចប្រជុំមួយចំនួននៅប្រទេសចិន ដែលមានរយៈពេល ៧ថ្ងៃ គឺចាប់ពីថ្ងៃទី១១-១៧ ខែតុលា ឆ្នាំ២០១៥។
លោក ហ៊ុន សែន ថ្លែងក្នុងអង្គសន្និសីទពិសេសនៃសន្និសីទអន្តរជាតិនៃបក្សនយោបាយប្រចាំតំបន់អាស៊ី នៅទីក្រុងប៉េកាំង ដោយបង្ហាញពីការគាំទ្ររបស់កម្ពុជា ចំពោះការរៀបចំគម្រោងវិថីសូត្រ ដែលរៀបចំដោយបក្សកុម្មុយនិស្តចិន។ ស្របគ្នានេះ លោក ហ៊ុន សែន ក៏ប្រកាសតាមគណនេយ្យហ្វេសប៊ុក (Facebook) របស់លោកថា ចិននឹងផ្ដល់ជំនួយឥតសំណងប្រមាណ ១ពាន់លានយ័ន (ជាង ១៥៧លានដុល្លារ) ដល់កម្ពុជា។
ទាក់ទងបញ្ហាខាងលើនេះ តំណាងរាស្ត្រគណបក្សសង្គ្រោះជាតិ លោក សុន ឆ័យ ផ្ដល់បទសម្ភាសន៍ដល់វិទ្យុអាស៊ីសេរី តាមទូរស័ព្ទកាលពីយប់ថ្ងៃទី១៥ ខែតុលា ស្ដីពីឥទ្ធិពលរបស់ចិន មកលើប្រទេសកម្ពុជា។
សូមស្ដាប់បទសម្ភាសន៍រវាងលោក ជុន ច័ន្ទបុត្រ ជាមួយលោក សុន ឆ័យ៖
ដោយ ប្រាជ្ញ ចេវ RFA 2015-10-16
មន្ត្រីជាន់ខ្ពស់ក្រសួងមហាផ្ទៃ ឲ្យដឹងថា នាយកដ្ឋានអន្តោប្រវេសន៍បានដាក់សំណើទៅក្រសួង ដើម្បីស្នើឲ្យជនភៀសខ្លួន ៣នាក់ ដែលកំពុងរស់នៅក្នុងភូមិគ្រឹះជាជម្រកបណ្ដោះអាសន្ន ចេញមកក្រៅដើម្បីធ្វើសមាហរណកម្មនឹងបរិយាកាសខាងក្រៅនៃសង្គមកម្ពុជា។ ប៉ុន្តែមិនទាន់មានការបង្ហើបឲ្យដឹងថា ជនភៀសខ្លួនទាំងនោះនឹងត្រូវទៅរស់នៅទីណា ឬចាកចេញពីលំនៅឋានបណ្ដោះអាសន្ននោះនៅពេលនៅឡើយទេ។
អ្នកនាំពាក្យក្រសួងមហាផ្ទៃ លោក ខៀវ សុភ័គ ឲ្យដឹងនៅថ្ងៃទី១៦ ខែតុលា ថា នៅពេលនាយកដ្ឋានអន្តោប្រវេសន៍ដាក់លិខិតសុំគោលការណ៍ពីក្រសួង ដើម្បីឲ្យជនភៀសខ្លួនចេញពីវិឡានោះ ក្រសួងបានណែនាំឲ្យរៀបចំផែនការឲ្យបានត្រឹមត្រូវ មុននឹងបញ្ជូនចេញពីលំនៅឋានបណ្ដោះអាសន្ន។
លោក ខៀវ សុភ័គ មិនទាន់ទទួលព័ត៌មានជាក់លាក់នៃការចាកចេញរបស់ជនភៀសខ្លួនទាំងនោះនៅឡើយទេ៖ «នាយកដ្ឋានអន្តោប្រវេសន៍បានដាក់សំណើទៅក្រសួង ដើម្បីត្រៀមធ្វើសមាហរណកម្ម ប៉ុន្តែតាមខ្ញុំដឹងមិនទាន់មានគោលការណ៍នៅឡើយទេ ហើយពួកគេត្រូវទៅនៅ ធ្វើការនៅណាក៏ខ្ញុំមិនទាន់ដឹងដែរ។ ជនភៀសខ្លួន គ្រាន់តែមានសិទ្ធិធ្វើដំណើរ និងបង្ហាញឲ្យដឹងថា គេជាជនភៀសខ្លួន ប៉ុន្តែគ្មានសិទ្ធិបោះឆ្នោតទេ»។
លោក ខៀវ សុភ័គ បញ្ជាក់ថា នៅពេលជនភៀសខ្លួនចេញមកក្រៅ ពួកគេនៅតែជាជនភៀសខ្លួនដដែល ប៉ុន្តែពួកគេមានសិទ្ធិសេរីភាពធ្វើដំណើរ ប្រកបរបចិញ្ចឹមជីវិត រកការងារធ្វើ ប៉ុន្តែជនភៀសខ្លួនទាំងនោះគ្មានសិទ្ធិបោះឆ្នោតនោះទេ។ បច្ចុប្បន្ន ជនភៀសខ្លួនទាំងបីនាក់កំពុងរស់នៅក្នុងភូមិគ្រឹះមួយកន្លែង ស្ថិតក្នុងភូមិតាងៅ សង្កាត់និរោធ ខណ្ឌច្បារអំពៅ រាជធានីភ្នំពេញ។
កាលពីដើមខែមិថុនា រដ្ឋាភិបាលកម្ពុជា យល់ព្រមទទួលជនភៀសខ្លួនចំនួន ៤នាក់ ពីកោះណាវរូ (Naurau)។ (more…)
ដោយ ដែន អយុធ្យា RFA 2015-10-16
អភិបាលក្រុងព្រះសីហនុ ព្រមានចាត់វិធានការតាមផ្លូវច្បាប់ទៅលើជនទាំងឡាយណាដែលយកចិញ្ចើមផ្លូវ ឬចំណីផ្លូវសាធារណៈយកទៅដាក់តាំងលក់សម្ភារៈផ្សេងៗ បម្រើប្រយោជន៍ផ្ទាល់ខ្លួននាំឲ្យបាត់បង់សោភណភាពក្រុងទេសចរណ៍ និងគ្មានផ្លូវសម្រាប់អ្នកដំណើរថ្មើរជើង។ មន្ត្រីសង្គមស៊ីវិលមួយចំនួនអបអរសាទរចំពោះវិធានការនេះ ប៉ុន្តែស្នើឲ្យការអនុវត្តមានប្រសិទ្ធភាព និងឲ្យបានស្មើភាពគ្នា។
អាជ្ញាធរខេត្តព្រះសីហនុ អាចនឹងរឹបអូសយកសម្ភារៈ ឬចាប់ផាកពិន័យធ្ងន់ធ្ងរចំពោះពលរដ្ឋដែលដាក់តាំងសម្ភារៈលក់ដូរ និងចតយានយន្តគ្រប់ប្រភេទនៅតាមចិញ្ចើមថ្នល់ ឬចំណីផ្លូវសាធារណៈចាប់ពីពាក់កណ្ដាលខែតុលា ឆ្នាំ២០១៥ តទៅ ប្រសិនបើពួកគេមិនបញ្ឈប់សកម្មភាពទាំងនោះតាមការណែនាំរបស់អាជ្ញាធរទេ។
អភិបាលក្រុងព្រះសីហនុ ថ្មី លោក អ៊ី សុខឡេង ថ្លែងនៅចំពោះមុខប្រតិបត្តិករទេសចរណ៍ និងមន្ត្រីនៅតាមស្ថាប័នពាក់ព័ន្ធខេត្តព្រះសីហនុថា ក្រោយពិធីបុណ្យភ្ជុំបិណ្ឌបានបញ្ចប់នឹងមានការចុះរៀបចំសណ្ដាប់ធ្នាប់នៅតាមផ្លូវសាធារណៈ ឲ្យមានរបៀបរៀបរយឡើងវិញ។
លោកថា ការចតយានយន្ត និងការដាក់តាំងសម្ភារៈលក់ដូរនៅលើចិញ្ចើមផ្លូវ ដែលនាំឲ្យបាត់បង់សោភណភាពក្រុងទេសចរណ៍ ឬគ្មានផ្លូវសម្រាប់អ្នកធ្វើដំណើរថ្មើរជើងត្រូវតែលុបបំបាត់ឲ្យបាន៖ «ទាក់ទងចិញ្ចើមផ្លូវ ទ្រូងផ្លូវ ដែលបងប្អូនតសំយាបផ្ទះលយមកលើចិញ្ចើមផ្លូវ ឬសង់សំណង់ផ្សេងៗនៅលើចិញ្ចើមផ្លូវ អាជ្ញាធរមិនអនុញ្ញាតទៀតទេ ហើយនឹងចុះរុះរើដើម្បីរក្សារបៀបរៀបរយខេត្តទេសចរណ៍នេះឲ្យមានសោភណភាពឡើងវិញ។ អាជ្ញាធរនឹងមិនអនុញ្ញាតឲ្យមានសកម្មភាពរំលោភដីចិញ្ចើមផ្លូវទៀតទេ»។
បន្ថែមលើនេះរាល់ការចតយានយន្តដឹកអ្នកដំណើរគ្រប់ប្រភេទ ពិសេសរថយន្តដឹកទំនិញធំៗ ក៏ត្រូវកម្រិតក្នុងការបើកបរចេញ ឬចូលក្រុង ឲ្យមានរបៀបរៀបរយដែរ ព្រោះបច្ចុប្បន្ននេះមានភាពអនាធិបតេយ្យបំផុត។ លោក អ៊ី សុខឡេង មើលឃើញថា រាល់ថ្ងៃនេះ អ្នកយកចិញ្ចើមផ្លូវ ឬចំណីផ្លូវថ្នល់ដើម្បីបម្រើប្រយោជន៍ផ្ទាល់ខ្លួន បានកើតមានអនាធិបតេយ្យ ដោយអ្នកទាំងនោះមិនបានខ្វល់ខ្វាយជួយថែរក្សាសោភណភាពក្រុងនោះទេ។ (more…)
ដោយ សូត សុខប្រាថ្នា RFA 2015-10-16
ប្រជាពលរដ្ឋនៅសង្កាត់វិហារហ្លួង ក្រុងសួង ខេត្តត្បូងឃ្មុំ ដាក់ពាក្យប្តឹងទៅអាជ្ញាធរភូមិ និងឃុំឱ្យជួយដោះស្រាយជុំវិញបញ្ហាដីកប់សព។ ការស្នើនោះ បន្ទាប់ពីមានការភ្ជួរ និងឈូសឆាយដីតំបន់កប់សពជាថ្មីទៀតពីសំណាក់ពលរដ្ឋមួយគ្រួសារ។ ទាក់ទងរឿងនេះ អាជ្ញាធរក្នុងមូលដ្ឋានបញ្ជាក់ថា បានបញ្ជូនសំណើពលរដ្ឋទៅសាលាក្រុងសួង រួចរាល់ហើយ ប៉ុន្តែការដោះស្រាយយ៉ាងណានៅមិនទាន់ទទួលបានចម្លើយនៅឡើយ។
ប្រជាពលរដ្ឋនៅភូមិថ្នល់ថ្មី សង្កាត់វិហារហ្លួង បារម្ភខ្លាចបាត់បង់ដីកប់សពរបស់ពួកគេ បន្ទាប់ពីមានសកម្មភាពភ្ជួរដីទាំងនោះជាបន្តបន្ទាប់ ស្របពេលការដោះស្រាយមិនទាន់បញ្ចប់នៅឡើយ។ ការបារម្ភនេះ ក្រោយពេលពលរដ្ឋមួយគ្រួសារយកគ្រឿងចក្រទៅឈូសឆាយដីតំបន់ជម្លោះ កាលពីថ្ងៃទី១៣ ខែតុលា។
ពលរដ្ឋនៅភូមិថ្នល់ថ្មី មួយរូប អ្នកស្រី ស សាវ៉ាត មានប្រសាសន៍ថា ក្រោយពេលអ្នកភូមិនាំគ្នាទៅឃាត់គ្រឿងចក្របានមួយថ្ងៃ ពួកគាត់ក៏បានជូនដំណឹងទៅអាជ្ញាធរមូលដ្ឋាន ឱ្យជួយទប់ស្កាត់មិនឱ្យមានសកម្មភាពឈូសឆាយណាមួយនៅចំណុចដីជម្លោះទៀតឡើយ ដោយរង់ចាំការដោះស្រាយជាមុនសិន៖ «ឱ្យប្រធានភូមិហ្នឹង ប្រកាសប្រគល់ដីហ្នឹងឱ្យប្រជាពលរដ្ឋវិញផង ព្រោះបើនៅតែធ្វើអ៊ីចឹង ប្រជាជនមិនអាចធ្វើអីកើតទេ»។
ដីកប់សពរបស់អ្នកភូមិថ្នល់ថ្មី គឺមានទំហំជាង ៤ហិកតារ ហើយកន្លងមកមានពលរដ្ឋបីគ្រួសារនាំគ្នាយកគ្រឿងចក្រទៅឈូសឆាយដីតំបន់នោះ បណ្ដាលឱ្យប៉ះពាល់ដល់សាកសពមួយចំនួន។ បញ្ហានេះប្រជាពលរដ្ឋប្ដឹងទៅអាជ្ញាធរជាបន្តបន្ទាប់ ក្រោយមកមានគណៈកម្មការដោះស្រាយទំនាស់ដីធ្លីថ្នាក់ខេត្ត សម្រេចកាត់ដីតំបន់នោះ ៧០ភាគរយ ទៅឱ្យអ្នកភូមិ និង ៣០ភាគរយឱ្យទៅពលរដ្ឋបីគ្រួសារ ដោយយោងលើពលរដ្ឋទាំងបីគ្រួសារ បានកាន់កាប់ជាយូរមកហើយ។ យ៉ាងណាការសម្រេចរបស់អាជ្ញាធរខេត្ត គឺធ្វើឱ្យអ្នកភូមិភាគច្រើនមិនពេញចិត្ត។
អ្នកភូមិមួយរូបទៀត អ្នកស្រី ស៊ុល យ៉ាត និយាយថា ពលរដ្ឋភាគច្រើនមិនយល់ព្រមចំពោះការកាត់ដីមួយចំណែកទៅធ្វើជាសម្បត្តិឯកជន ព្រោះវាជាសម្បត្តិរួម។ ជាងនេះទៀត អ្នកស្រីថា ក្នុងចំណោមពលរដ្ឋចង់បានដីកប់សពធ្វើកម្មសិទ្ធិផ្ទាល់ខ្លួន គឺដើម្បីយកធ្វើអាជីវកម្មលក់ដូរបន្តតែប៉ុណ្ណោះ៖ «ប្រជាជនប្រុងសុំប្រើអំពើហិង្សា ព្រោះដីហ្នឹងដីកប់សព មិនមែនដីបុគ្គលណាម្នាក់ទេ»។ (more…)
សូមអរគុណដ៏ជ្រាលជ្រៅចំពោះសប្បុរសជននូវវិភាគទានទាំងនេះ។