Stand for the World Buddhist Anthem
គោរពព្រះវិញ្ញាណ វិញ្ញាណ ព្រះវីរសមណៈ វីរបុរស Stand for the Heroic Buddhist Monks, Heroes

ថ្ងៃសុក្រ ១២កើត ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៥ ខែធ្នូ គ.ស.២០២០
Friday the 12th Waxing Moon of Phussa B.E.2564 equivalent to December 25, A.D.2020 Year of the Rat

បទ លើកទង់ព្រះពុទ្ធសាសនា
សូមមើលទង់ជ័យ ឆព្វពណ្ណរង្សី ដែលមានរស្មីភ្លឺស្រស់ល្អ ខៀវលឿងក្រហមព្រមទាំងពណ៌ស ហង្សបាតនឹងពណ៌ដ៏ភ្លឺផ្លេក។
ប្រទេសតូចធំ បានស្ម័គ្រសមាគមជំនុំគ្នាំច្រើនអនេក ព្រមយករស្មីព្រះពុទ្ធគួរត្រេក ប្រសើរពន់ពេកក្រៃកន្លង
ធ្វើជាសញ្ញាទង់ជ័យសាសនានៃសម្ពុទ្ធធំចម្បង ចូរយើងរាល់គ្នាយកចិត្ដចាំចង នឹកដល់ព្រះអង្គជាអម្ចាស់។
ទោះជាតិផ្សេងគ្នាក៏ត្រូវដឹងថា សុទ្ធសឹងតែជាពុទ្ធសាសន៍ ត្រូវមានសាមគ្គីទាំងក្មេងទាំងចាស់ ប្រឹងប្រែងឲ្យណាស់គ្រប់ៗគ្នា។
សូមសាសនាពុទ្ធ ថ្កុំថ្កើងបំផុតរុងរឿងវិសុទ្ធថ្លៃថ្លា​ ហើយមានជ័យជោគផ្សាយពេញលោកា ដោយជនជ្រះថ្លាច្រើនសែនលាន
មានចិត្ដស្នេហា គោរពបូជាចំពោះធម៌ដ៏កល្យាណ ទាំងមនុស្សទេវតាស្នេហាគ្រប់ប្រាណ ប្រាថ្នាចង់បានសេចក្ដីសុខ។
យើងខេមរជាតិ នាំគ្នាខ្មីឃ្មាតកាន់ធម៌នឹងបានផុតទុក្ខ រួបរួមសាមគ្គីពីនេះទៅមុខ យើងនឹងបានសុខក្សេមក្សាន្ដត្រាណ
ព្រមព្រៀងប្រព្រឹត្ដ កាន់ធម៌សុចរិតឆ្ពោះទៅកាន់ឋាននិព្វាន ជាទីផុតទុក្ខបានសុខក្សេមក្សាន្ដ ជាតិយើងនឹងបានសោយសុខា៕